منوعات
ضيا طحاوي تكتب : سكر حادق
سكر حادق
طعم ملوش معني…
ولا جديد
يوم ما تشوف الدنيا
تغني وفي لحظة
تقلب صوت ناي
تجري تخبط….خايف
من بكرة وم الجاي
بس الروح بتحب تعيش
ماسكه بخيوط الحيرة
سايبه ضلوعها للمجهول
ترقص علي ألف وتيرة
شايف السما كلها ألوان
رغم الأزرق الصافي
قلبك ضرباته مخصماك
هربان م الحب الدافئ
عارف مين وياك بيدوق
سكر حادق
طعم ملوش معني…
ولا جديد
بايع يومه في حقد
ولوم
طمعان ياخد الدنيا
لوحده
ناسي إن الله موجود
واخد لحسابه الجبروت
حاسب إوعي تقرب ليه
تمشي وياه أي طريق
تشرب من كاسه اللي مليه
سكر حادق
طعم ملوش معني
ولا جديد
