الشاعر محمد عبدالفتاح يكتب : الحلم اصبح وردة محنية

الحلم اصبح ورده محنيه
والميه صبحت حتى مش ميه
رفض الملاذ ينطق باسرارنا
رفض المباح ما يبوح بأعذارنا
ترك اللسان اخباره للنيِّه

تقل الالم والحمل بقي اتقل
والرد صمت لكل من يسأل
لا انت مطمن ولا شئ يطمنهم
تبدأ معاهم وتنتهى بدونهم
والمنزله ماتليقشي بالمنزل

اتسلم العمر لرهان خاسر
واستسلم الفجر لرصاص غادر
من بندقية عجزنا المزمن
والصبر لسه بقوتك مؤمن
قادر يعينك وانت مش قادر

يا من سألت الجرح ليه صابنى
إسأل ضميرك قبل ما تعيبنى
الدنيا بلوي وفي ابتلائها نجاه
وحياتنا فانيه ومين اخدها معاه
ومين بيبنى وخد معاه المبنى