سلوى سعد تكتب : بيرفع راية الرحمة

أتاري كل شئ له صوت.ف عز الليل بيندهنا
يذكرنا
بأول صرخه جت ترقص فى ساعة صمتنا الميمون

يجينا الفجر بعد ضلام..بيحضن صبحنا النشوان
ويتمشى على جسر الأمل
نبداء خطاوى الرحلة م الأول
هناك ع الرف .
ذنوب متشاله.
لو شبت ف قلب الصحراء حتنبت تقاوي الشوك…
قيود بالعفة مكتوبه.
بتسقي القلب من نبع العفاف بكاسات
ملايكه ف الأدان تدعى .
لوقت الرجعه لو لحظه .
.نشوف الفرحة ف التوبه. فنستغفر .
ونتوسل .و نتسول ..
.يازرع الهم بزياده.
دى أرض الطيبة تتمنى ف يوم الدرس تجمعنا.
زهور حسنات…

بتطوي الخوف.من المجهول نلاقي حلمنا المكسوف يزور الرمش ف الرؤيه …
بيرفع راية الرحمه .
فنستسلم
ونتسابق بروح هايمة…
تدوق طرح الأمل مره
وتتنعم كحور العين
ف يا بايع تقاوي الموت .
أمانه عليك …
تزود حصتي شوية