موللى الغريب تكتب : حياة مصطنعة
كانتا تجلسا تحتسيان القهوة المفضله في مكان اختارته هي وكاد الصمت يخنق صديقتها التي حاولت مرارا أن تحدثها فلا تجد منها رد ولكن لأن علا تعرف ياسمين تماما فلم تغضب بل انتباها حيرة من صمت ياسمين ..فصمتت هي الأخري ..جاء الجرسون مبتسما محاولا حثهما علي طلب شئ آخر ورفع ما انتهيا منه وسأل خدمة تانيه
أجابت علا ..نعم اريد ان اكل شئ ماذا تقترح علي ..بدأ الشاب في سرد ما لديهم من أصناف ولكن الحقيقه علا كانت تحاول أشغال الوقت وقتل الملل لأنها في النهاية طلبت صنف معجنات وشاي .. ونظرت لياسيمين هتاخدي ايه …
ردت ياسمين هاخد نفس طلبك
انصرف الشاب مبتسما وانطلقت علا مالك بقي ممكن افهم
احنا مش جايين نأكل علي فكرة فيه ايه
وفجأة صمتت علا وهي تري دموع ياسمين التي لمعت كالماسات في ضوء الشمس وبدأت تحكي
اليوم مر سنه علي سفر مراد .. سنه من غير ما اشوفه أو حتي أكلمه ..سنه بعد ٥ سنين تقريبا مش بنسيب بعض فيها غير وقت النوم …سنه من غير ما يقول لي حتي هو سابني ليه
جاء دور علا في الصمت القاتل ..وفي دماغها يدور حوار بينها وبين عقلها غبية انتي كنتي لازم تعرفي أن الموضوع مش سهل
عارفه يا علا ..كان نفسي أكرهه ..كان نفسي أنساه ..كنت بتمني حاجات كتير قوي بس للاسف محصلتش .. وده اللي دلوقتي مضايقني من نفسي ..حاسه بعده بفراغ رهيب مش عارفه اشوف حد ..بقالي سنه بحاول اقنع في نفسي اني كويسه وعايشه لكن الحقيقه مش كده ..
اشتغلت كتير وحققت نجاح بحمد ربنا عليه بس مش فرحانه
مش عارفه افرح من غيره ..
مراد كان بالنسبه لي راجل ليحمل اسماء كتير اختفت من حياتي فجأة بحكم القدر وكنت مكتفيه بمراد عن الدنيا
الوان كل حاجة اختفت ..
عادت ياسمين للصمت مع اقتراب الجرسون وكأنه طوق نجاه لعلا لتستطيع الخروج من حلقه الالم وإخراج ياسمين معها
الجرسون .. اتفضلوا بالهنا والشفاء
علا .. ميرسي لذوقك ممكن من فضلك تشغلوا. اغاني لو مش هيضايق حد
الجرسون ..حاضر يافندم ..اصلا المكان مش مليان قوي فهيكون سهل إن شاء الله بدل الموسيقي نشغل اغاني
علا ..كلك ذوق
مشي الجرسون وبدأت علا يالا علشان نأكل قبل ما يبرد ..بحب قوي المعجنات السخنه دي
ياسمين بكل حزن ..حاضر
وعاد الصمت وبدأت علا في فتح موضوع عن صحابتهم ومواقفهم وكانت تعلم تماما أن ياسمين ليست معها ولكن محاولة يائسه منها كان المكان يطل علي النيل وكانت علا تعلم أن ياسمين تحب البحر والزرع وفجأة ..ايه رايك نطلع اسكندريه
بدأت ياسمين تنظر لعلا وتركز ..اسكندريه انتي مجنونة ..امتي
علا ..بكره
ياسمين مش هينفع طبعا
علا ليه بقي
ياسمين ..عندي شغل كتير و
قاطعتها علا ..خدي إجازة يوم مش هيحصل حاجة
ياسمين ..هشوف
علا ..لا هتاخدي إجازة ..انا خلاص قررت الجو حر اصلا وانا وانتي بنحب البحر ايه رايك نجيب هدي معانا .بت فرفوشه كده هكلمها
ياسمين .. استني بس
علا اتصلت علي هدي … دودو ازيك اسكندريه بكره ايه رايك
سمعت ياسمين صوت هدي وهي بتزغرط ضحكت ياسمين
واتفقوا بكره إن شاء الله الصبح علا هتعدي عليهم
شفتي بقي سهلة ازاي ولا ورانا عيل ولا بيت اسهل واروق هههه
هي بس هدي احتمال عماد يطلقها ويبقي هو الكسبان والعيال هتبقي اسوياء هههههه اخيرا نجحت علا في أن تجعل ياسمين تضحك واقنعت نفسها انها نسيت
صوت الموبايل يزعج ياسمين برنته لأنها تعودت أن لا أحد يطلبها قبل العاشرة ورنه المنبه خفيفه لان نومها خفيف ..وبالاحري منعدم العمق ..
ياسمين ..الو
علا .. انتي لسه نائمه يا لهوي اليوم هيطير
ياسمين ..فيه ايه هي الساعه كام
علا انتي لسه هتسالي قومي البسي انا جايه لك في الطريق انا وهدي انا عند بيتها اهو ..يا لهوي يا لهوي وضحك هستيري
ياسمين .. فيه ايه يا بنتي خير ..
علا ..هدي نازلة تجري تقوليش هريانه هههههه
هدي ..علاااااا ..اوعي تمشي هههههه
ركبت هدي وعرفت أن ياسمين علي التليفون ..وبدأت تتكلم وصوتها عالي جدا يالا البسي بسرعه أو انزلي بالبيجاما انجزي قبل ما عماد يرجع في كلامه ههههه
بعد ربع ساعه كانت علا وهدي تحت بيت ياسمين
تحركت علا في اتجاه اسكندرية بلد السحر والجمال .. وخاصه في بدايه الصيف قبل الزحمه ..وأصرت هدي أن تركب ياسمين في الامام وجلست بين الكرسيين ..
كانت ياسمين تحاول أن تظهر انسجامها معهما .. وهدي تمسك بالموبايل لتشغيل اغاني من علي الموبايل ..وسمعوا معاها اغاني لا يمكن يسمعوها لو حدهم …
وصلوا اسكندريه …فورا باتجاه البحر توقفت علا عند أحد الكافيهات المشهورة وكانت القعدة فيه داخل البحر ..لم تتوقف هدي عن الكلام من افيهات افلام لغناء لكلام عن كل الناس اخبار وحكايات اختيار موفق من علا في رحلة اليوم الواحد ..طلبوا فطار وسألت علا ياسمين ..بذمتك مش مفيش احلي من الجنان ..والقرارات السريعه في المواقف دي
هزت ياسمين رأسها بالموافقه ..وصمتت
علا ..هو انتي هتسكتي هنا كمان ..ياسمين ..اليوم ده كله علشانك
واول مرة تتحدث هدي بصوت هادئ
بصي يا ياسمين ..الحزن ..بيجيب حزن وبيصبح طبع ..والفرح بيجيب فرح ..لو كل إنسان وقف عند حاجة وجعته كانت الدنيا خلصت من اول يوم
عارفه يا ياسو ..انا لو عملت زيك كان زماني منتحرة اه والله
اتخلي عن الحزن وصاحبي النسيان ..صديق جابر للخاطر قوي
ياسمين انا اسفه يا جماعه انا عارفه اني بقيت نكديه وممله بس غصب عني ..نفسي علي الاقل افهم ..تصدقوا الموضوع مبقاش حب قد ما بقي غدر ..ليه فجأة ليه ؟
صمتت هدي ونظرت علا لياسمين نظرة ارتجف لها قلب ياسمين
ياسمين فيه ايه
علا تداركت الموقف ..ابدا مفيش
توترت هدي
ياسمين هو انتو عارفين حاجة مش عايزين تقولوها
هدي ابدا احنا جايين نتعكنن والا نتبسط الله يسامحكم نكد بنكد كنت قعدت مع عماد والعيال
ياسمين ..نظرت لهما بنظرة تفحص ..
علا فجأة يالا نتصور
ياسمين لا مش عايزة ..
هدي هو احنا بنستاذنك وقلبوا الموضوع .. وبدأوا في تصوير المكان واتصوروا كتير ..بعد كام ساعة
..يالا بينا .
علي فين يا علا
يا ياسمين انتي لسه هتسالي ما انتي عارفه علا قالت يالا يبقي طقت فكرة وهتنفذها هههههههه
طلبوا الحساب
وركبوا العربيه بعد طبعا كام صورة بعد الحساب كتميمه للخروجة
عارفين هنعمل ايه ..هنرجع لأيام رحلات المدرسه فاكرين يا بنات
يالا بينا علي قصر الجوهرة وبعدين المتحف الروماني وبعدها القلعه هههههههه بس مقدرش اوعدكم بالملاهي ضحكوا التلانه من قلبهم مش علي الكلام علي الذكريات اللي حضرت بمجرد ذكر الاماكن
فالاماكن تشرب ذكرياتنا
وتوجهوا فعليا للأماكن دي واستمتعوا لانهم عادوا شابات في سن المراهقه ..حالة السلام واللا مسئوليه .. وخلال الجولة بيعيدوا حكايات حصلت في الأماكن دي ..أعادوا الشباب لارواحهم ..
عند الغروب كانوا يقفون عن سور القلعه ينظرون إلي البحر كما فعلن في الامس البعيد .. وفجأة
..مراد اتجوز … نطقت علا بالجمله دي ..فتوقفت الصورة وكان البحر ابتلعته الأرض واختفي البشر بكل تفاصيلهم وكان ياسمين في أعماق محيط
لحظات الصمت طالت وان كانت لا تتعدي الثواني
اكملت علا … عرفت بعد ما اختفي ب٣ شهور بالصدفه ..كنت مع واحدة زميلتي في الشغل في كافيه جنب مكتبي ودخل مع مراته اللي هي تعرف صاحبتي سلموا ومشيوا وعرفت أنهم مسافرين هجرة بره مصر ..سكت قلت الايام هتنسيكي ولقيتك بتنجحي في شغلك قلت خلاص عدت ..ومع الوقت هتختفي لحد امبارح
لما قلتي باصطنع ..فقررت أن انهي الحياة المصطنعه دي ..انتي تستاهلي حد يشوفك ويحسك وتكوني من طموحاته ممكن هو صح أنه حسب السفر والهجرة هينسوه بس هيبنوا مستقبل
لازم انتي كمان تبني مستقبل حلو تستاهليه
فجأة تسقط ياسمين مغشي عليها
وتنتفض هدي وعلا من الخضه وحاولوا يفوقوها وتجمع من في المكان ..بعد شويه فاقت ياسمين بعد محاولات ولحسن الحظ كان يوجد طبيب وأسرته ..ساعدها .. وبمجرد أن عادت لوعيها انهارت في البكاء بكل الم السنه لا الخمس سنوات ..التي أوقفت حياتها فيهم علي مراد … بكاء حد النحيب … وفجأة هدأت وصمتت …
لم تجد علا كلمات وهدي هدأت هدوء الجو بعد رياح عاصفه
وبدأت ياسمين ..عارفه يا علا انتي عملتي ايه
نظرت علا للأرض فبادرت ياسمين
انتي انقذتيني من وهم الانتظار والامل المزيف ..بس ياريتك قلتي من بدري …ياريتك ما سبتيني استناه كل ده
هدي .. ياسمين ..احنا كنا شايفينك بتحاولي تنسي وكنا انخدعنا بتمثيل النسيان …صمت الجميع
نورهان ..فاكرة لما وقعت من علي العجله في سباق العجل بتاع النهائي واتصبت
طبعا يا جمال ..وساعتها قلت ان حياتك ومستقبلك انتهي ده اللي سمعته من مامتك
مكنتش اعرف اني هاقابلك واعيش احسن من ما انا كنت راسم
لو كنت سافرت مكنتش هرجع ومكنتش هاقابلك ولا نتجوز
فعلا ربنا بيرتبها صح قوي
وكان رساله ربنا جت لها علي لسان اتنين تخطوا من العمر والخبرات
ما يكفي ليجعلاها تبتسم في وسط دموعها
فعلا ربنا بيرتبها صح ..قالتها بصوت سمعه العجوز وزوجته وهدي وعلا فابتسم العجوز وقال اكيد
راحوا علي العربيه ..وعادت ياسمين إلي القاهرة بعد أن وعدت البحر أن تعود له مع فرح وليس احزان ..
وغنت فيروز في العودة شو كانت حلوة الليالي
