منوعات
صفاء محمود تكتب : بوابة الزمن
يابوابة الزمن
ممكن تفتحيلي
تاخديني لفه مابين حبايبي
ولكل لحظه ف عمري حلوه
ترجعيني،،
نفسي اشوف كل الغالييين
الناس الحلوه الغايبين
نفسي أدفى
نفسي ف لفه
ارمي الحمل
ف أحضان صافيه
لقلوب راحت وسط الطين
يابوابة الزمن
قابليني بأول بت عشقها القلب
وريني
شكلي زمان،، وانا لسه بشب
قبل العمر ما يبدأ يدبل
والقطر يشد
وريني الناس السارحه
بتهادي بعضيها بحب
واسقيني الطيبه،، بايدييين ناسها
وهاتي الحنيه من راسها
والناس اللي كانت بتسد
يابوابة الزمن
نفسي ف لفه
نفسي ف لفه بجد
