منوعات
شيماء الغيطى تكتب : صباح عادى
صباح عادى
وقاللى
صباحك العادى
بقا عادى
ماعدش
يفك كرب الروح
ولا بيهز سمواتى
ولا ف بعدك
هاكون مجروح
ولا بعدك
مفيش اتى
ولا لمعة
عينيكى السود
هاشوفهم
ضى اوقاتى
ولا تفرق
تكونى حياه
ولا بعدك
يجينى الموت
خلاص روحى
بديته خلاص
وشديت
من هواكى الروح
كما النساك
زهدت العشق
والعشاق
لا هارسم كفى
فوق كفك
ولا رسمى
رفيق رسمك
ولا تشبهنى
فيكى خطوط
دموع عينك
ف شرع العشق
جوايا
ماليها شطوط
ميلزمنيش
اكون ليكى
السند فى الضيق
ولاتبقى لى
تفعيله
ولا عمرك بقيتى
طريق
طبعت اقدامى
فوق ضهره
ولا سبحه بترقينى
فاسبح بالهوى
وقهره
ولا يلزمنى
اكون فيكى
بعيد لحنى
وشفته غريب
على ايديكى
برئ منك
ومن تفعيله
موصوله
على عنيكى
وريحة قهوة
مشبوكه
فشوق لهفتها
عالفنجان
اقولهالك
كمان و كمان؟
صباحك
كل يوم عادى
(بقيت عادى)
ماعاد ليا
ف قلبه مكان
