مين اللي ربط السعادة بالفلوس….
دا البساطة علي اجدعها رزمة تدوس….
الجنيه ذي الألف طالما بيسد….
ماهي مش فشخرة وعداد بيعد….
-يعني ملكيش في السوشي….
عمري ما أدوقه ولو بلوشي….
يجي دا ايه جنب فول وطعمية….
مع عيش بلدي وبتنجان في صينية….
-طب والصيف وهاسيندا ومراسي…..
حلو وجميل .تغيير الجو أساسي….
طول عمر المصيف لمة قبل مكان….
كذا عيلة في عشة مش شالية ب بيبان…
فورمة الساحل وبطيخة بشاليموه….
الله يرحم ام الخلول وكلوكلو…..
أيفون كاميرته حلوة ولازم موديل السنادي….
يعني لو تليفون غيره وكلمتني هيحلف ماهو منادي….
-ناقص تقولي اركب عربية كلشنكان…..
لا طبعا بتفرق راحة وموديلات .بس في الاخر هنوصل اناوانت لنفس المكان..
-مقدرش ألبس غير براندات.حلو طالما معاك…
بس خلي أصلك وفصلك وجهتك وصداك….
منكرش ان ربنا أمرنا عن النعمة نحدث ونبينها…
بس بعقل وحكمة لا هتزول وهنعرف نصونها….