منوعات
جهاد نوار تكتب : سهران
سهران لوحدك
و لا انت نايم
عاشق ملامحى
لساك بى هايم
بيقولوا انك
لغيرى رايح
و مخلى قلبك
ف عشقه سارح
بتخون عنيا،
بتكدب عليا
ولقلبى تطلب
منه يسامح
مش عايزة اواجهك
مش عارفة اعاتبك
ده لأنى خايفة
انى افارقك
مش قادرة اخبى
انك ظالمنى
و لا ادارى
حبك بقلبى
ليه تزيد ف نارى
يا اللى انت دارى
و لبُعد دارى
عنك بصدق
انك حببنى
و مش هاجرنى
و انك شارينى
و مش بايعنى
يا جنونى منك
من صغر سنك
فى الحب سارق
قلبى بملامحك
يحلم بطيفك
ما يلوف لغيرك
و مهما تقسى
بردو أسيرك
خليتنا قصة
عنوانها لسة
مكتوب غناوى
حروفها ناقصة
