عبير محمد تكتب : ادينى بعافر

عشت حياتي شريد ومسافر
زي الطيف اللي ضله حلو خفيف

مابيثبت تحس انه فصل خريف
زي الشجرة الي ورقها سقط
وكل الحلو اللي فيها دبل
بس برضو واقفه وليها ضل
وعلي الحياة لسه بطول

واديني بعافر
شقيت وتعبت
وسط الغربة اتمرمطت
مشتكتش وقلت نصيب

ما المكتوب لازم هيصيب
ومفيش منه مفر
قلت اكيد ازمه خلاص هتمر
وبرضو بعافر وانا مش شايفه غير المر
هشكي لمين

اهلي فين ولا صحابي
مادول مزيفين
بداري فقلبي
مهو ربي قدر قدري

وشايف تعبي
يبقي ليه اشكي وهو شايف حالي
وادري بكل اللي بيجري فيا
لما الكل يبيعك

لما تلقي انك وحدك واقف
خليك ثابت متبينش
ان فرقهم عندك فارق

حياتنا رساله
ليه تتكبر او تتعالي
عيشها بحب

عشان مش هتلاقي
غير الدعوه هي الي بقالك