موللى حافظ تكتب : مرور الكرام “4”

اتفضلي يا مدام الغداء جاهز ايه يا فطومة الشطارة دي بالسرعه دي يارب بس يعجب حضرتك دخلت امينه وكأنها عادت الي زمن والدتها سفرة جميله وأصناف اكل متناسقه ومناسبه لعدد شخص واحد

جلست امينه وفاطمه تقف مترقبه رد فعلها
فاطمه ..نادتها امينه وكانها اخرجت قلبها وصنعت منه طبول صوتها عال
برغل ردت فاطمه ..خير يا مدام فيه حاجة
بعد كده اعملي حساب فردين علي الغداء
تنهدت فاطمه وقالت حاضر بدأت امينه في تذوق الطعام وكم اعجبت بأكل فاطمه لها نفس حلو

وكان رد فاطمه أكثر غرابه من طعم اكلها
فعندما سالتها امينه انتي شاطرة قوي ما شاء الله ازاي عملتي الاكل حلو كده ردت فاطمه بكل صدق عملته بحب يا مدام ..النفس في الاكل محبه وانا ربنا يعلم من لحظة ما دخلت حبيت حضرتك وكان دور امينه في ابهار فاطمه ..من القلب للقلب يا فطومة

لمعت عيون فاطمه وكأنها ربحت جائزة العالم
اخيرا هناك من يحبها دون حسابات وليس بالأجبار فهي فعلا تشعر بحب الست امينه ..
سرحتي في ايه ابدا يا مدام انا بس مبسوطة قوي أن حضرتك عجبك اكلي ويارب يعجب اللي هياكل مع حضرتك
اكيد هيعحبه إن شاء الله

طيب اعمل اكلتاني النهاردة لو هيجي متأخر شوية لا من بكره صحيح انتي هتتغدي ايه
ارتبكت فاطمه وقالت مفكرتش
اتسعت عيون امينه و سالتها يعني ايه
ابتسمت فاطمه ابتسامه مرة
اصل انا باكل دائما الباقي من الموجود حضرتك متقلقيش عليا
صمت لا يحمل لفاطمه اي معاني
ولكنها شعرت أن هناك الكثير
انتهت امينه من طعامها وبمجرد من وصولها لمكانها المعتاد عند الشرفه ..تبعتها فاطمه بسؤال اعمل لحضرتك شاي
ابتسمت امينه قائله انتي مخاوية مبتنسيش حاجة

وبعد دقائق كان كوب الشاي يوضع ببخاره أمام مدام امينه وذهبت فاطمه لتلملم ما بقي وتاكل كما اوصتها امينه وجدت فاطمه أن ما بقي من امينه هو نصف كل شئ وكأنه متعمد
ابتسمت بتمني أنها مقصودة وان لم يكن فقد راضاها الله باحساسها هذا