رشا ناجح تكتب…. مجرد صورة

وبقيت مجرد صورة
ف ألبوم الزمن
مركون على رف الحياة
وتراب الحزن مغطيك
وياريتك لوتتحرك ثانية
وألقاك من تانى بتحضنى

بعنيك بتطبطب على قلبى
والاقيك بتدوب أحزانى
أنات الحزن بتكسرنى
ورت قلبى ازاى يترهبن
يدخل ديرالصمت بسرعة
يتلى صلاتك وابتهالاتك
يبنى حواجز بينى وبين
الصمت الكامن جواالصورة
وأسمع خطبة من كلماتك فوق المنبر
ولاحكايتك ليناتملى
عن سيدنا الخضر وأرضه
وعصاية موسى السحرية
عن ست الحسن ف لياليها
عن كدك ف ليالى الغربة
لاجل ماترجع لينابفرحة
لاجل ماتجمع كل ايدينا
ف طبق واحد
ناكل منه