نشوى الخطيب تكتب: الموج

عدوا معايا الموج

يا كل عزالي

البحر لو يصفى

جوايا دوامة

تنحت ياموج

فى الصخر

فيسن لسنانه

نحدف عليك الهم

فتهيج وتتألم

يقولوا عليك مالح

وللصبر بتعلم

الملح دَوِّب دُوب

مرارة الأوجاع

تشكي الصبايا إليك

حلم اللي فاتها وضاع

فتزيد ياموج ثورتك

زي البُكا ودموع

يشوفوك تبان فرحان

لكنه ياناس موجوع

خايفة ليوم نلاقيك

تنشف وماتبانشي

مهما بيكنا عليك

إصفى ماتحزنشي

كل اللي حن إليك

حبك ولا ندمشي

yoast