موللي الغريب حافظ: مرور الكرام (8)

فاطمه فاطمه ..فوقي ..كلمات كانت تسمعها من بعيد وكأنها في بحر عميق تهيم فيه بلا أي قيمه

ببطء فتحت فاطمه عيونها وكانت لا تسطيع تحديد من حولها ولكن رؤيتها لمحلول الجلوكوز انتبهت فجاة ..مدام امينه .بدأت تثور وتنتفض وهي تسال مدام امينه فين

طمانها الدكتور الذي عرف لهفتها ولم يستوعبها

اهدي يا فاطمه مدام امينه كويسه وانتي كمان هتبقي كويسه إن شاء الله

خرج الدكتور وطلب منها الهدوء والنوم قدر المستطاع ولكن فاطمه كان لها رأي آخر فبعد أن انتهي المحلول ..تحاملت وخرجت من غرفتها وسألت علي مكان الرعايه .

فاطمه ايه اللي جابك هنا .. سأل معتز باستغراب

استاذ معتز .. طمني الله يخليك

عاد معتز لعجرفته وخاصه بعد نظرة حادة من زوجته والتي كانت تقف وكان مسها تيار كهربائي

مفيش جديد

وكانت أول مرة تسمع صوت زوجته وهي تتمتم ..التمثيل الأوفر ده

نظرة فاطمه لبيري كانت كافيه لارباكها للحظات وعجرفه بيري جعلت الموقف يبدو اصعب لأنها علا صوتها وهي تتهم فاطمه بلؤم الفلاحين ضمن كلمات كثيرة ..مما أثار انتباه طاقم التمريض الذي انهي الموقف بطلبهم مغادرة معتز وبيري

وذهاب فاطمه لغرفه الطوارئ مرة تانيه

ذهب الجميع جلست فاطمه علي سريرها تبكي بحرقه وتدعو الله أن يشفي مدام امينه .. يارب إنا ماليش غيرها في الأرض ومالتاش غيرك في كل مكان ..يارب انت عالم بحالي ردها لي سالمه يارب

وحنن قلب استاذ معتز عليها وعليا ..

دخلت ممرضه بشوشه وقالت لها انتي فاطمه ..ردت بسرعه ايوه خير

مدام امينه سالت عليكي

فاقت بجد فاقت ..بقت كويسه وكانت تحاول الهرولة ولكن خانتها رجليها ولحقتها الممرضه اصبري بس استني

هي فاقت لحظات وسالت عليكي واخدت دواء ونامت وعلشان كده قلت اجي اطمنك

يعني هي هتبقي كويسه قولي ايوه والنبي

ايوه إن شاء الله

ربنا يبشرك بالخير ..ربنا يكرمك ..

طيب يالا نامي بقي انتي كمان

تسلمي لي يارب ..انتي اسمك ايه بقي

اسمي ماري . عايزة حاجة قبل ما امشي

لا يا حبيبتي تسلمي لي يارب كتر خيرك

عموما انا هنا لو احتجتي حاجة ..انا زي اختك

تسلمي ونامت فاطمه بعد أن اسعدتها ماري بكذبة متقنه

يتبع