منوعات
ياقلبي
بقلم…. وفاء يوسف
يا قلبي ليه بطلت تحلم ؟؟!!
بتخبي دمعك جوه روحك
موجوعة في عينيك الحياة
شايلة ابتسامة فيها ألف وألف آه
فوء وابتسم ،،،،،،
إنسى البكى ،،،،،،
و إرسم من حلمك حياة
ولا انت حابب تفضل اسير
أحزان السنين المهلكة
خلي بالك ،،،،،،
فيه عيون ،،،،،،
في انتظار لحظة وقوعك
كعبلة حلمك ،،،،
تكسير ضلوعك
مش هقول ،،،،،،
إنس حلمك بعتره
ولا حتى دوسه وطيره
لكن هقولك ،،،،،،،،
عيشه و احلم و ارسمه
وجه خطاوي الروح إليه
و إرويه بدمك
صبر و إرادة
و ارض بتقاسيم القدر
واياك يغرك طول النهار
تزرع نوايا
من غير عزيمة
يبقى حصاد عمرك حطب
يبقى حصاد عمرك حطب
