موللى حافظ تكتب : قالت وصدقت

كانت طيبه كانت عظيمه
كانت حمولة كانت جميله
قلبها طيب عينيها صافيه
شفايفها داىما عليها ابتسامه
رغم التعب وحتى الملامة
كانت ساكته من غير قتامه
كانت بتحب تساعد غيرها

كانت شقيانه علي حبايبها
كانت بتسند كانت نصوحه
كنا بنيجي عليها وتسكت
كانت تقول اوعوا مني تفلت
ولا عمرها فلتت ولا عمرها زعلت
لحد في يوم صحينا كانت مشيت
ايوه مشيت اتاريها تعبت ومنا زهقت
وكان كلامها صدق وما كدبت
يوم لما بصت لنا وصرخت
تعبت كفايه انا عنكم هبعد
وقلنا بتقولها قال يعني يتهدد

كنا ضامنينها ايوه ضامنينها
ضامنين وجودها وحافظين واعيدها
مشيت لكن حتي هنا مكانش تهديدها
كانت طاقتها خلصت وروحها صعدت