منوعات
سخرية البرد الكئيب
سخرية البرد الكئيب
بقلم…. إيمان عبد النبي
صرخة مفاصلك كل ليلة مالوجع
أصدق كتير من ضحكك الفارغ
سخرية البرد الكئيب ….
من كل شيء ماسخ
ما يشبهكيش بجد
إلا ف عنادك ضد فكرة لانتحار !!!
وضح ميولك ….
لي الإكتئاب الموسمي
فصل الفراق ….
عاجن صديد روحك
طرطش بخار
يشبط في نضارتك …
عيل صوابعه
بتنحتك مانيكان جميل
كمل صياغته من خلال
رؤية عيونه للحياة
مفتون بساطة دنيته
وبضحكة الفستان في لفه في الهوا
ما فهمش أن اللفة منظر من بعيد مش مكتمل
مشهد ومتفصل بصمت
عن غرزة الفرح اللي ضاق من غير سبب واضح
ف شك الضحكة ضيق
من طلته !!
يدهش حزين
إبهار مزيف للسعادة
زي الفراش
ملفت أووي ……
رقصه الحقيقي
فوق وردة مشفوفة بذكاء
على ورقة تشبه أرضها
والفكرة إنه ما تجاوزش اللقطة دي
