متقلقوش من حاجة.. رسائل السيسي للمصريين من مطار القاهرة
كتب- عاطف عبد الستار
استقبل المواطنون الرئيس عبد الفتاح السيسي لحظة عودة إلى أرض الوطن بعد مشاركته فى اجتماعات الجمعية العامة للأمم المتحدة.
وقال الرئيس السيسي في كلمة له بعد عودته إلى أرض الوطن لـ قناة إكسترا نيوز، مخاطبا الشعب المصري: «هو انتوا بتسمعوا كلامهم تصدقوه بتتعاملوا معاه على إنه حقيقة.. الموضوع غير كده خالص.. دى صورة بتترسم زي ما اتعمل قبل كده».
وكشف الرئيس عبد الفتاح السيسي، عن أن الشعب المصري واع، وأن الجماعات الإرهابية تريد تزييف الحقيقة، وأوضح الرئيس السيسي أن تلك المواقع تقدم أشياء غير حقيقية، وأن مصر قوية بشعبها.. والبلد جامدة اوي بيكم يا مصريين .
ووجه الرئيس السيسي رسالة للمصريين قائلا: «الجماعات المعادية لمصر لن تترك المصريين ينجحوا» مؤكدًا دى حرب بيننا وبينهم.
وتساءل الرئيس السيسي: انتوا بتسمعوا إزاى الناس دى والإعلام عليه دور كبير فى توعية المصريين.
وتابع الرئيس عبد الفتاح السيسي: إنه إذا طالب المواطنون بإرسال رسالة للعالم سينزل الملايين مثل ما حدث فى عام 2013، يوم التفويض.
وأكد الرئيس عبد الفتاح السيسي أن ما يثار الآن صورة من الكذب والافتراء، من قبل الجماعات المعادية لمصر، مؤكدا :هناك إعلام بيشتغل عليه وينقلوا صورة مش حقيقية تجاه ما يحدث في مصر حاليا.
وأضاف الرئيس عبد الفتاح السيسي خلال تصريحات له أذاعتها فضائية إكسترا نيوز بعد عودته إلى أرض الوطن أنه تحدث عدة مرات من قبل، قائلا: قوى الشر مش هيسبونا ننجح وان هناك حرب بيننا وبينهم .
وتابع الرئيس عبد الفتاح السيسي أن الإعلام المصري عليه دور كبير للتصدي لتلك الشائعات والعمل على تثقيف الشعب وكشف الحقائق له.
وتابع: مصر مكانتها كبيرة أوي بشعبها ويوم ما حطلب من المصريين النزول سيكون مثل يوم 3-7-2013 هينزلوا بالملايين لتوجيه رسالة للعالم كله.
وجه الرئيس عدة رسائل إلى المصريين لدى وصوله إلى مطار القاهرة وتحية المتواجدين، قائلًا: “لازم تعرفوا كلكم إن الشعب المصري واعي قوي.. إزاي الصورة تترسم علشان يزيفوا الواقع ويخدعوا الناس ويضحكوا عليهم.. المصريون أصبحوا أوعى من كده بكتير.. اللي اتعمل قبل كده مينفعش يتعمل تاني.. ليه؟ علشان ربنا وعلشانكم متقلقوش من حاجة”.
وقال الرئيس: “كل حاجة ماشية زي الفل، أنتوا بتسمعوا كلامهم وتصدقوه وتتعاملوا معاه على أنه حقيقة؟ الموضوع مش كده خالص.. دي صورة بتترسم زي ما اتعمل قبل كده، عبارة عن كذب وافتراء وتشويه وكتائب إلكترونية شغالة وشوية إعلام بيشتغل علشان يقدم صورة مش حقيقية، أنتوا لازم تكونوا واعيين لكده.. إحنا جامدين قوي إن شاء الله، والبلد جامدة قوي بيكم”.
أضاف السيسي: “الرسالة كنا بنتكلم عنها من أسبوع قبل ما أسافر (إلى نيويورك)، وقلنا يا مصريين خلي بالكم مش هيسبوكم تنجحوا ولا تتهنوا على حاجة، هي حرب بيننا وبينهم، مجموعة قد كده، قدام شعب كله، هتصدقوهم إزاي؟ والإعلام عليه واجب كبير لتوعية الناس والتصدي للشائعات والكذب، والناس البسطاء طيبين أوي، وهما فاهمين كويس.. مصر مكانها كبير قوي وشعبها كبير.. مكانة مصر بشعبها”.
وواصل الرئيس: “أقول للمصريين: يوم ما هطلب من المصريين زي يوم التفويض في 2013، رسالة للعالم كله، هينزل ملايين مش أقل من كده”.
