سيندريلا
سيندريلا
شعر… نشوى الخطيب
فستان وجزمه مرقعه
دايسه عليهم السنين
والذكريات متوزعه
شادة الخيوط متربعه
تقلع وتنخل ف التراب
والعفره ليه متجمعة
جريت ولفت واتكفت
لسه اسيرة ف برجها
اتفك سحر الشعوزة
كان حلم وسط المدرسة
كان حضن اب واختفى
بين الصحون متكتفه
على البلاط متسفلته
وفى الغسيل متكرمشة
بقع الهدوم بهتت على
القلب
الوليد كان له زمان دقه هنا
وشعاع عيون متبسمة
القلب ضعفت دقته
مع نار 🔥 حنيني ولهفتي
بردت معانى دي الحياة
تايهه مع كل اتجاه
مافيش مجال لطوق
نجاه
مركب شرعها مقلعه
هربت عيونها الدبلنين
من قلب ❤حاسس
الهوى
ثائر وجامح للمنتهى
وياقلبها لازم تفوق
لازم تصحى نبضها
ياقلبها البور اللى
نبتت فيه زهور
العشق
سارحه تغطى عمرها
تسقى الشقوق اللى
نزف منها الانين
حالفه لتمحى دا
الاسى
ياقلبها ليه حجر حن
على العاشق بقا
دا عيونه فيها كلام
كتير مليان حنين
احاسيس مش مالكه
نفسها
طالبه السهر ويا الهوى
ياقلبها حن بقا
عنيد وجاحد ليه كده
ولا أنت بس مستحى
والدقه فيك متدهورة
