الكلمة الطيبة صدقة
بقلم…. مفيده عيد
ليه بنستكتر علي بعض اننا نقول كلمة حلوه لحد… الكلمه دى مش حتنقصك ولا حتتعبك… لكن لما بتقولها بجد بتفرح اللي قدامك…..
هو لازم نموت ومش نبقي موجودين عشان يتقال كلمه حلوه.. ده كان كويس.. خدوم.. حنين.. معطاء.. محترم.. اللي ف ايده مش ليه.. كان إنسان!!!
صدقوني كلنا محتاجين الكلام ده يتقال ونسمعه ونفرح به….
قد ايه الواحد بيكون مبسوط لو حد جه قاله انا دعيتلك وانا بأصلي امبارح مش بيقولها عشان مستني حد يشكره.. لا… ده عشان يفرحه ويعرفه انه افتكره ودعاله.. أو حد يقوله انا عارف لو احتجت حاجه حطلبها منك لاني عارف انك حتتصرف وتساعدني…
صدقوني حاولوا تعملوا ده للناس اللي حواليكم…مش بعد ما يمشوا أو يموتوا قولوا بسرعة… فرح غيرك.. حاول ترسم بسمه علي وشه… وانت حتكون مبسوط بده…..
حبوا بعض… احترموا بعض…. بلاش حقد وكره ونفاق وتبص لغيرك في اي حاجة انت ما تعرفش هو ناقصة ايه…….
أرضي بما قسمه لك الله فهو المعوض المخلف..
