منوعات
بتخاف الحسد
بتخاف الحسد
( من ديوان زعلانه منك )
شعر.. أميرة محمود
بتخاف الحسد
(ادخلوا من ابواب متفرقة )
قالها يعقوب النبى
و هى بتحب النبى
و تصلى على سيرة الرسول
بس بتخاف م الحسد
له قصه ترهب ف العقول
بتحادى ع الكل يا جدع
و تحنن الأرض اللي تطرح بالعقول
معجونه زهر و تمر حنه
أصلها بتغرف محنه
بس بتخاف م الحسد
مين قدها ف لمة عيالهاعندها
الصبح يلبس توبه عيد
يتمعشق الفرش بغناوى
لاما القرايب و البعيد
يخمر خبيزها ف حضن دافى
و ف حبنا كانت تقول الشعر حر
تقولى نظم القلب وافى
امى ما تحبش ميزان
ولا مره تنده ع القوافى
توزن الكلمه بنضرها
يرد شعر يقول عوافى
يا فرحه راخيه ع العتاب
ساعة قدمنا لما خطى و دب
جلجلت بيت الجيران
ضحكه تنور الف درب
كانت تغنى
البصه ف عيونكم غناوى
لمة عيالى تنور ضلمة الايام
طب عايزه ايه م الدنيا غير هما
العيشه بس ف بعدهم غمه
