بيشبهلى
بيشبهلى ( من ديوان زعلانه منك )
بقلم… أميره محمود
أريدك سندي أو عزوه
احبك كلمه ايه تسوى
و بتمعشق ف واد عمى
ملامحه تشبه الريحان
يا عود مصلوب بيشبهلى
بلف دروبك الواسعه و أتسلطن
ف الشده تواسينى
كأنك أبويا و أنا بتك
جميله لفة العمه بلون قلبك
يغازلنى الاقي دمى من دمه
وحيطان عمى يا عيقانه
شبابيكها ب تتنهد
ابنه صفاته عشقاها
ولا قاسي و لا معقد
عيونه شمس وصفاها
أحب أمه و أراضيها
هدتنى حبيبى فرحتها
واد عمى جدع و رجيل
امسح جبهته الطيبه
ولا ع الحق مره يميل
يقول زيدى و قولى شعر
أقلك ايه
يكفى وصفك الغالى
من غيرك
أكيد مجنونه احوالى
و لا تكفى بحور الشعر أوصافك
أنا ف عشقك بمية عبله مع عنتر
قلامى سنها أتكسر
ياواد عمى
يا غيط مرشوش بالعنبر
بدر ف طلعته يسحر
يا كحل ف عيني زاد نورها
حبال الحب تفتلها
روحك ساكنه جوايا
على مهلك مضفرها
يا الف حكايه و حكايه
أوصف ايه ف مرجلتك
حلاوة الطبع ف اخلاقك
جمال البدر من شكلك
