هونت عليك
شعر.. مرفت شوقي
للدرجة دى هُونت عليك
وانا كات روحى ملك ايديك
كنت الحارس على أسرارك
كنت الشاهد ع اللى جرالك
وانا ع نفسى دايبة وعاشقة
لأى تراب بتخطى عليه
للدرجة دى هونت عليك
كدا بسهولة تبعد عني
وانت سواد العين والننى
ياللى بُعادك هيجننى
اتوحشت أسرح ف عينيك
للدرجة دى هونت عليك
بسرعة نسيت الحلو ما بنا
طب خلى لنا شىء للذكرى
يمكن صدفة أشوفك بكرة
ولا وداعى أقرب ليك
للدرجة دى هونت عليك
كدا على فجأه ياللى ناسينى
تسحب كل رصيد من قلبى
وتبقى مفلس قلبك بور
لما الشوق يناديك ترجع لى
وانت رصيدك كله اتصفر
فاكر لو تنده وتصفر
إنى انا ساذجة هارد عليك
للدرجة هونت عليك
إتعلمت الدرس القاسي.
مهما تضحى لناس غاليين
أول ناس قالوا مفارقين
وتجيب كل غلطها عليك
للدرجة دى هونت عليك
فاكر إن فى بُعدك راحة
عينى ف عينك قول بصراحة؟؟!
انت هاتقدر تبعد عنى؟؟!
ولا دا عِند وفترة راحة
وتشوقنى بس إليك
للدرجة دى هونت عليك
رد عليا وانا هحلف لك؟؟!
وحياة اللى جمعنى بقلبك
تحرم روحى وقلبى عليك
زى ما بعت وهونت عليك
وان قدمت فروض الطاعة
أنا مش سلعة ضمن بضاعة
بترجع فيها كيف ما تحب
اللى يحب بروحه بجد
عمره ما يقدر يجرح حد
وانا ياما شُفت وعديت ليك
وانا وف لحظة
