منوعات
بمسي
بمسي
بقلم… نشوي الخطيب
بمسى ع الليل الحزين ف عنيك
لون الربيع بيترسم مابين ايديك
شد معايا م السما ضوء القمر
لٓم النجوم متبعترة غاويه السهر
الشمس تشرق فوق جبينك تنقسم
تحدف شعاعها على سكتك
ماتلومش يوم على القدر
إوعى الأمل فيك يحتضر
إوعاك ف لحظه تنطفى
إرضى بنصيبك وإكتفى
بص على إيدى هنا بمجدفى
نطرة بتلمس السما
والتانية منى بتختفي
خليك عفي
شد الحمال إوعى كتافك ترتخى
كبرت خلاص وشيلت الهم
ولا بأمك بقيت تهتم
نسيت حضنى اللى كان بيضم
بعدت ياواد وكلامى أصبح غم
خلاص مليت وسبت البيت
وعن عيشتى كده استغنيت
كبرت ياواد
نسيت سهرى وغاوى بعاد
وبتخبى وبتدارى
وأنا عارفه بإيه دارى
مهما داريت أنا ربيت
وحصنتك بذكر الله
وف بُعادى تحت حماه
