السيسي: لو كنتوا عاوزين تنجحوا وتسبقوا الدنيا وتبقوا دولة ذات شأن فالتمن مش كلام

كتب عبد العظيم القاضي

قال الرئيس عبدالفتاح السيسي إنّه تابع حلم إنشاء كلية طب القوات المسلحة قبل 6 سنوات وبشكل يومي.

وأضاف السيسي خلال كلمته في حفل تخريج الدفعة الأولى بكلية طب القوات المسلحة اليوم: “اوعوا تفتكروا إنّ الكلية اتسابت كده، لأ، الكلية كانت بتتابع مني بشكل مستمر يوم بعد يوم، وبقول الكلمة دي عشان أقول لو إحنا عاوزين ننجح في أي إجراء بنعمله، كل مسؤول يتابعه لحد ما يخلص وبعد ما يخلص”.

وتابع الرئيس السيسي موجها رسالته للمصريين: “لو كنتوا عاوزين تنجحوا وتسبقوا الدنيا وتبقوا دولة ذات شأن، فالتمن مش كلام، لكن عمل”.

وقال الرئيس عبدالفتاح السيسي إنّ الاختبارات التي خضع لها طلاب كلية طب القوات المسلحة كانت من الخارج، متابعا: “في كليات الطب الأخرى كان الاختبار اختياري، لكن الطب العسكري طبّق الاختبار بشكل إلزامي، وقولنا لازم نشوف مستوى اللي إحنا بندرسه للناس إيه”.

وأضاف “عاوز أقولكم إن المجاملة فساد، ولو عاوزين تكافحوا الفساد في بلادكم متجاملوش حد”، متابعا: “كنا عاوزين نطمن إن مفيش شك بأي شكل من الأشكال، إن العملية التعليمية بتتعمل على أفضل ما يكون، والنتائج اللي طلعت كانت جيدة، وقولنا هنستمر ونعمم التجربة على الدولة المصرية.