بقلم /شيرين عبدالسلام
بابا نويل جاي بيوزع فى هدياته
بيوزع فيها بكنياته
إستني شويه يابا نويل
إعرف هتوزع فرحك فين
أصلنا بعيالنا شربنا الويل
والدمع سابقنا بيجري بحور
والجرح الغاير بيعلم
قلبنا مكسور وكأنه ازاز
مابتلمش بس معلم
أستنى شويه يابابا نويل
إعرف هتوزع فرحك فين
تايهين في دموعنا وأوجعنا
والأقصي حزين وبيسمعنا
أكفنا بتسبق أفرحنا
جبت هدايا مالهاش اطفال
ولا ضحكة تطبطب في وداعنا
وهنعمل ايه وسط الأهوال
بنصبر نفسنا بالجنه
وألمنا كبير وهنستني
بقيانا العطره المرميه
من كتر الجثث الملقية
هتنبت خير مخلوط بخضار
وقلوب مابتتهزش لحصار
وجناين عطرنا مسقيه
بدمانا بننبض وطنيه
ماهو أصل الدم دا مش ميه
دا بقايا كفاح
على أرض براح
لو حتي بعمرنا مشرية
وعشان قلبك كدا كدا يرتاح
ومصمم تنشر ف الأفراح
وزع هدايتك ع الأرواح
أكاليل بدموعها المرويه