وحشاني يا مصر
الشاعرة: سحر غانم
يا وحشاني ووحشاكي….برغم البعد عنك مسافات..شيفاكي ورسماكي… تملي ف حضني وف عيني ووقت احزاني بلاقي……سنين تعدي مني تروح وانا غايبه….وسرقاني سنين ..غربه…..لكن بجد انا اسفه.وسامحيني انا العايبة…..سبت نفسي لطوفان..وساقية تاخدني ع ايام تدور بيه…..وشغلتني امور ف حياة دارت بيه…..وتوهت جوة سنين ظالمه….تعبت بجد من الضلمه….ونفسي ف نور….ف بلدي بشوف قمر بيدور..وزرع اخضر..ونيل ومصانع..وطفل ملاك واقف سرحان بينادي ع الضايع….بحاول امسك شعاع النور..لكن بايدي مش طايلة….حياة مملة محوطاني…من الهموم انا شايلة….فسمحيني..اسفه ليكي يا معاليكي….يا واخدة القلب والعقل والروح…..بشوف طيفك منين ما بروح….كانك بين ضلوعي ساكنه…وجوة القلب هنا راكنه…..مهما دورت ف البلدان…اتبقي انتي اغلي الاوطان….يا جري ف دمي والشريان…..قوليلي منين اجيب الصبر…خلاص ف قلمي خلص الحبر…ودق خلاص اجراس القبر…ووقت ما ترد لي الروح….بشوف طيفك منين ما بروح..واشوف البسمة ف ملامحك ساعتها الامي عني تروح….واستقوي انا بفرحك… قوليلي منين اجيب قوة….يا شاقة القلب من جوة…..ع غيابك….ووقت ما اخبط ع بابك..تشوفيني بحضنك دا تضمني…..ف المي ووجعي تنسيني….وارجع طفلة من الاول…كاني ما كنت بجول…..بلف بلاد ما شوفت جمال ولا قبلك ولا بعدك…..من يوم ما حتي ودعتك…. انتي واخدة مني الروح.. بشوف طيفك منين ما بروح……واشوف فلاح بيروي ارضك الخصبة….وسامعه ساقية فيكي تدور وطاقة نور…اعيد من تاني الحسبة….وترجع تاني ليه الروح…بشوف طيفك منين ما بروح…..يا وحشاني ووحشاكي…رغم سنين الغربة الاسية شيفاكي وسمعاكي….ف منامي وصحياني…ف فوقتي ولا سرحاني..يا وحشاكي ووحشاني…ف نن العين وشرياني…بتجري بسرعه جوة الدم….للي ف بعدك شوفت الغم……شربت من نيلك ومن زرعك بنيت جسمي….حفرت اسمك قصاد اسمي…من يوم ما فوتك شيلت الهم..وجواية هموم ما تتلم….وابات واصحا ع ذكره …وتغلبني ساعات نومي وبالعافية….ومهما روحت ف الغفلة….صورتك تملي قدامي يا وحشاني….نقشت اسمك قصاد اسمي ومن دمي راسم علمك…وكاتب اسمي قصاد اسمك..بتحلي الدنيا وانا راسمك…يا واخدة القلب والعقل والروح…بشوف طيفك منين ما بروح.
