السيسي من الكاتدرائية :طول ما الشعب المصرى ايد واحدة محدش يقدر يعمل معانا أو فينا حاجة

كتب عبدالعظيم القاضى
قال الرئيس عبد الفتاح السيسى، خلال كلمته بعيد ميلاد المجيد، بكاتدرائية ميلاد المسيح فى العاصمة الإدارية الجديدة، ” محدش يقدر يجرجرنا هنا ولا هنا طول ما احنا ايد واحدة  ”  ، مضيفا ربنا سبحانة وتعالى أراد أن احنا نكون فى ظروف صعبة.. زى ما أنتوا شيفين حوالين مننا الدنيا عاملة أزاى.. بس ده لينا وعلينا.. ولينا أن احنا لازم ناخد بالنا.. ولينا إن أحنا ننتبه طول ما احنا نلاحظ كان ممكن يبقى حالنا كدة؟.. أيوه .. وكان ممكن يبقى ظروفنا كده؟ .. أيوه .. وطب اللى علينا أيه أن احنا نخلى بالنا من بلدنا.. طول ما احنا مع بعض.. وطول ما الشعب المصرى ايد واحدة محدش يقدر يعمل معانا أو فينا حاجة.. ولا حد يقدر يعنى يجرجرنا هنا ولا هنا”.  

وكان  الرئيس عبد الفتاح السيسى ، وصل إلى كاتدرائية ميلاد المسيح بالعاصمة الإدارية الجديدة ، لحضور قداس عيد الميلاد المجيد، وكان قداسة البابا تواضروس الثاني بابا الإسكندرية وبطريرك الكرازة المرقسية ، فى استقباله الى جانب عدد كبير من الوزراء والمسؤلين وجمع غفير من المصريين .