كتب:محمدسعيدالشافعى
قال حسام المندوه الحسينى امين صندوق نادى الزمالك ان موضوع ارض اكتوبر كان في جلسه مع وزير الإسكان ومن ثم جلسه مع وزير الشباب والرياضة اتكلمنا عن موقفنا وأننا استلمنا النادي في اخر 2023 وصدر قرار الوزاري لينا علشان نشتغل في الأرض في شهر أربعه 2024 ودفعنا الرسوم الخاصه بيها وفي شهر 4 لسنه 2025 اتوافق على البدء في المشروع وحصلنا على موافقات وزارية ومش منطقي يطلع قرار بعدها بتراجع بشهرين ويتم سحب الأرض بعدها بشهرين كمان
• إحنا عملنا تعاقدات مع عدة جهات واتفاقات وكانت الملاعب هتخلص في اخر شهر عشرة وكل ده وقف حالياً
• محصلشي رد نهائي من وزير الإسكان في جلسته معانا بخصوص مصير الأرض وبكره هنقدم تظلم على قرار الوزارة
• إحنا مستلمين النادي في مشاكل مالية كبيرة وخدنا مجهود كبير علشان نقدر نعمل كل الاتفاقيات دي والخطوات دي علشان نبدأ في بناء الأرض
• الجهات اللي الزمالك اتعاقد معاها هي حكومية أو بنكيه يعني إحنا معملناش تعاقدات مع افراد ولا في قصه بناء فنادق ولا كومباوند ولا مول خالص مع إنه يحق لينا نعمل كده بس إحنا معملناش كده أصلا
• إحنا مش عارفين الأزمة فين وموضوع الأرض هو حياة أو موت لنادي الزمالك وناشدنا سيادة الرئيس للتدخل