غرقت فى بحر الاوهام
شعر… نشوى الخطيب
متظلموهاش
دى حبت حب وبإخلاص
دى دقه جاتلها بإحساس
بدون ماتحس مسحورة
وهى برضه معذورة
وشايفة صورة غير صورة
ومعمية
حقيقة ليها مخفية
وفاكرة إنها قصة
وهى يادوب كانت حصة
ورن خلاص آهو جرسها
وقولنا كتير ليها آخر
وهى بحبه تتفاخر
وتشبط فيه كما الطفلة
وهو بيجهز الحفلة
ويتباهى ويجرى لغيرها
وينساها
وهى لسه على عماها
وفاكرة أنها حُبه
وملكت زى ماقال قلبه
وكله كلام
وعاشت وقت ف الاوهام
وسهرانة تبص لنقطه متصلة
يزودها بالوصلة
لتتنفس ترد الروح
وليه دق على بابها؟؟!
وفات قلبها مجروح
ومستنية محسورة
وهى تلف مقهورة
مابين الواتس وماسنجر
مع انستجرام
بجد حرام
يكون الحب ده أوهام
رفعها للسما السابعة
ودوقها جنون الحب
وتيجى ازاى
وهو حقيقى ماعنده قلب
