أيا إنسان .. يا صاحب البصيرة
وبتغازل ضي النهار..
و القمر فارد ضفيرة
*****
ياهل ترى فى عتمة الدهر
و الفضة بتلمع على جتة النهر
والزهر فارد قلبه
على الشط حصيرة
*****
مافتكرتش اللى خالق كل ده
والنعيم اللي على طول المدى
تعرف لمين الكون صورهُ صاحبهُ
في أحلى تصويره ؟
لنبينا ” محمد ”
صلوا على صاحب السيرة
*****
اللي حن الجزع لهُ
أول ما فارق
والميه نبعت من صوابعه
من المفارق
و” الشاه ” قالت له ُ: إيَّاك تاكلني
ده السُم في حشايا حسد وغيره
*****
أيا إنسان
وأنعم عليك المولى بالإسلام
صلي و سلم ع النبي
بالعربي أو بالأجنبي
في ذكرى عطرها أنسام
فوق الزمان هي الأميرة
الشاعرة هاله العكرمي تكتب : أيا إنسان
