الشاعرة سعاد عبدالله العقاطي تكتب: النصر لمصر

يا حلوة يا مزهزه. يا وردة البساتين
يا مصر يا منورة. كتب التاريخ والدين
انتي اللي قولتي امين. لكل نبي ورسول
وانتي امل موصول. من جيل يسلم جيل
نبتك اصيل الدم. وانتي البلاد الام
والضحكة منك نهار. الارض لو تشتكي
تطرح لنا احرار. ما احنا اللي كنا وكان
راضعين من الصبار. ندفي بحنينك
ما احنا اللي عارفينك. كل الكتب دينك
من الخليل ابراهيم. لخاتم الانبياء
نتوضي بالكلمة ما احنا من العشاق
مصر اللي طول عمرها. اجمل الاسماء
العشق دايما مصر. مهو كل شيئ يتحب
يا ساكنة نن العين. متربعة في القلب
دايما نعدي الصعب. وترجعي بنورك
لسه التاريخ راسمك. بتوزعي خيرك
انتي مفيش غيرك. بالعلم والمعرفة
يا ضحكة فوق الوشوش. يا نسمة يا مهفهفه
مهما يحاربوكي. عمر الامل ما انطفئ

الشاعرة سعاد عبدالله العقاطي تكتب: النصر لمصر