نادية البسيونى تكتب : الصمود

لما شمس عنيك تشوف
غير ما تسمع من ألوف
لما تبقى بقلب جندى
جندى مصرى من الأسود
يومها بس تحس إنك
أقوى جندى فى الوجود

لما شمس عنيك تشوف
جندى واقف ع الحدود
قال بلادى بأعلى صوت
عشت ولا كنت اموت
مش هايهلك فيكِ عود

لما شمس عنيك تشوف
جندى هدَّ بإيده سور
والظلام من كثر رعبه
وشه جاب مليون شعور

لما شمس عنيك تشوف
دم صاحبك صار بحور
وانت صخرة تصد عنه
ألف طلقة بدون خضوع

لما شمس عنيك تشوف
أقوى جندى فى اختبار
قلبه مسكت فيه نيران
لاجل ما انت تشوف نهار

لما شمس عنيك تشوف
ليل ورعد ونار بارود
والأمانة بدون مبالغة
عهد باقى بدون حدود
يومها بس تحس إنك
أقوى جندى فى الوجود