كــــســــــر ازاز : بقلم منال مصطفي

وبين الدمعة والدمعة

قصص تطلع فــ تنهيدة

وبين الدعوة والدعوة

حاجات نطلبها وبعيدة

وبين اخر كلام اتقال

واول جمله فــ الموال

معانى غريبة وجديدة

وبين الثانية والثانية

بفرض عوامل الدنيا

بنتبدل لناس تانية

واول ضحكة فــ الصورة

وأخر ضحكة مكسورة

مابينهم عمر كان بيدوب

مابين غالب وبين مغلوب

واول خطوة تخطيها

واخر خطوة بعصايا

ف وسط بداية ونهاية

كتير احداث

بنكسب ناس ونخسر ناس

بنتحول لكسر ازاز