منال مصطفي تكتب : ذلــيل الــحــــب

بيقولو الدفا إحساس
و انا إحساسي مش طايلك
ولكني …
عزيز النفس راح أصبر
ومش جايلك ..
ولا هحايلك ..
ﻷن الحب شيء مرفوع عليه الأس ..
فيعني لو هموت وتحس
أموت احسن ..
من إني ..
أحبك بس ..!

وانت بعيد و مش داري
ده يعجب مين يا أسيادنا ..
يبات العبد دوم مغموم
ويرضى بذل محبوبنا
ومنك يا الحبيب محروم
يا شرخ دامي ف قلوبنا ..
يا منطق قلب مش مفهوم ..
ل إمته كده ؟

ل إمته الطبع راح يقسى
على الغلبان .. !!
ل إمته صرخة العاشق
هتهتف دم
ل إمته هنفضل المجاريح
ل إمته همومنا راح تكتر ..
ل أمته الغدر بينا صريح
على الالم اللي مستكتر
ذليل الحب بالمعشوق
على السما يمشي يتغندر ؟