دندن بقلم كاميليا كامل (غادة الكاميليا)
دندن بعودها ف الغنا
يا اسمر ياماهر فى القصيد
واتمّنى يكسيها السنا
واستنى لما الخير يفيض
واسقيها لمّا ترتوي
وتغيب ف طعمك ياشهى
فتميل لها والمشتهى
كان طُُهر جمّل خدرها
وتشيل كما العدرا سلام
فسيل على الدهشه وئام
تتداري لما يعدّى فجر
وينز ضلع النخلة تمر
تتلفّت الناس كل يوم
يتغامزوا بين
تصديق ولوم
والدهشة غطّت ع الكلام
والمكر واصل سمعها
ازاى كده ? !
لما ارتوى الجوف بالسلام
واما ارتمي ع الخوف وئام
شُرب الرضا خلي السنا
يخرج ويتكلم انا
ردت على المكر الغبى
الميل كما وحى النبى
وقت اللقا كان زي مهر
وابقوا اسألوا كف الجميل
ايه اللى خلّي البال يميل
وازاى سقانى ميته
وازاي غويتنى ريّته
وازاى سكرت وازاي حملت
وازاي كانت لى
النخلة ضهر !!
