كتبت :ميادة فايق
نفسك في الشوربة بس الجو حر قوي عليها؟ جابتلك وصفة شوربة الجازباتشو المكسيكية, وصفة منعشة لكل اللي بيحبوا الشوربة وبتوحشهم في الصيف.
المقادير:
4 حبات طماطم مقطعة مكعبات
4 حبات خيار مقشر ومقطع مكعبات
بصلة متوسطة مقطعة مكعبات صغيرة
فلفل أحمر مقطع مكعبات
معلقتين كبار صلصة
معلقتين زيت زيتون
معلقتين كبار بقدونس مفروم
3 كوب عصير طماطم
عصير نصف ليمونة
معلقة صغيرة خل
ملح وفلفل
الطريقة:
هتشيلي معلقتين من الطماطم المقطعة, الخيار, الفلفل الأحمر والبصل للتزيين, هتضيفي باقي الخضار في الخلاط وتفرميهم كويس قوي, في بولة كبيرة هتضيفي الخليط ومعاه عصير الطماطم, الليمون والخل والملح والفلفل, غطيها كويس وسيبيها تبرد في الثلاجة, زينيها بالخضار اللي احتفظتي بيه واستمتعي مع عائلتك بوجبة منعشة في الصيف.