منال مصطفي تكتب : ماتيجي نرسم

وايه رايك…؟
ماتيجي نرسم عالورق
اننا بنطير
كما العصافير
و تبقا لفرحتي بوصلة
وانا واصلة
بـطيبة قلبك الاحلام
يا فارد فـ الهوا جناحك
و ضامم قلبي فـ براحك
معاك عايشة فـ امان
ماتيجي نرسم عالورق
اننا بنطير
كما العصافير

نسيب الارض و نسافر
نروح مثلاً على الزهرة
يا واخد قلبي و مسافر
دا انا الفكرة وانا بكرة
وانا الدقة اللي بتعافر
برغم صعوبة الايام
و فاكرة و عود وفاكرة كلام
و رغم ان الوجع منك
بياخد حقه اوي بتمام
مع ذلك فأنا قلبي معاك غافر
يا واخد حلمي و مسافر