وقلبنا عاش تملي حزين
ضفاير فرحه مفكوكة
وقال الفرحة يجيبها منين
حياته دراما محبوكة
ودور ياااااما ولف سنين
وأتاري الدنيا دى عوجة
سرقنا العمر وآه تايهين
تعبنا بجد م الحوجة
وفين السكة يا عمرى
و كل خطانا مشكوكة
وفين الضحكة ياقلبي
وليه مغشوشة ف الهوجة
وفين يا فرح متخبي
جراح عمرى بقت شوكة
ومين هون ف يوم أمرى
ومين كان راكب الموجة
ومين ف الشدة كان صاحبي
ومين خانى غرس شوكة
وعدى العمر نتألم ف نتعلم
دروس قوى صعبة ف الدنيا
و بنداري قوام الدمع يتكلم
وفين نهرب ودنيانا ما سايعانا
وفين ندفن جراحنا وهى ويانا
نروح من روحنا بس لفين
طريق الفرح نجيبه منين
ولا عارفين وأهى ماشية
ف وسط الزحمة آآه عايشين
yoast