منوعات
الشاعرة جيهان النجار تكتب : بعدين معاه
سجدة ودموع
ودعوة من قلب اتوجع
ودستة شموع
احكم واحبس ضحكته
بين الضلوع
خد تاري منه هات لي تعويض
عن فؤادي
وهات لي عشق
يسكته
انا ذنبي ايه والحب لسه بيتولد
يحرم عينيه من نور هوايا يموته
احكم عليه يصبح
يسوع يحيني
بعد ما مت فيه
لكن عشاني والنبي بشويش عليه
مانا بردو لسه باعشقه
ماهو اصلي عمري وباجري خلفه
ادعي لي اني الحقه
وياخدني رحلة بين عينيه
انا نفسي اسافر جوه روحه أشوف حنانه
آخره ايه
نفسي اعرفه
انسان غريب فيه كل حاجة بتشرحه بتقول حبيب
وحاجات كتيره
بتفضحه وتقول عجيب
محتارة فيه
لمسة إيديه بيحيروا
بيغيروا لون الحياة
بيفكروا القلب انه فيه أحزان وراه
مش عارفه اروح من روحي فين
ولا عارفة قلبي
هيحصل ايه بعدين
معاه.
yoast
