منوعات
برافو عليكى : كلمات ايمان محمود
انتي لعبتي الدور بجدارة
سقفة كبيرة من الجمهور
الموضوع كان اصله شطارة
والأكاذيب كان ليها حضور
تمثيل عالي طالع بحرارة
وانا صدقت..ف عشتي الدور
كان اسمك ف التتر صدارة
وانا كومبارس واقف ف طابور
صفقة وكات مكسب وخسارة
بختك ي اللي عليك الدور
عشاقك احرار وأساري
شايفين فيكي بنات الحور
الإغراء طعم ف سنارة
والصياد ع الشط صبور
خادعة الكل ب كل مهارة
ملعون غش عايش ف النور
عشقك ساب ف القلب مرارة
خلاني طير ب جناح مكسور
كاتم وجعي وفيه بداري
م انا ف الفيلم بطل مغمور.