شيماء الحماقي تكتب : زووم

قرب الكاميرا ليا
خد بالك من عينيا
وحدد صورة واضحه
تبان مشاعرى فاضحه
انا كنت فاكرة إنك
هاتكون بجد ليا
طلعت مشاعرك إنت
اقل من العادية

كلاكيت مرة تانيه
إديتك فرصة تعدل
الصورة الاوليه
حلفت ان انت ليا
كذبك خايل عليا
ونزلت ك دمعة تايهه
وسقطت من عينيا
بتسأل؟؟ اه هاكمل
انا خدت ع التحمل
لكن مشاعرى باردة
بردتها ب إيديا
اهى عيشه والسلام
تصبح ترمى السلام
تنسي تمسي تنام
نص حياتنا ف
كلام
وبجاوب ب إهتمام
جرحك علم عليا
بس انا بعت القضية
Yoast