هالةالعكرمي تكتب : العِشْره دفا من ديوان روح غريقه

الإيد ع الإيد بتقوي القلب

والحب يطمن ويفرح

يحلو معاه طعم الدنيا

والعشرة دفا

وصفاها لحب الناس عنوان

وصديقك ده اللي بصدقه معاك

حافظ عهدك

بيصون ودك

وصداقته ما تتاقل بالمال

تلاقيه فى الأيام الصعبة

فى الفرح يشاركك والأحزان

حافظ على كل حبيبب وصديق

على أخ يكونلك وقت الضيق

هيكونلك سندك ع الأيام

لا تبيعه ولا ف يوم تغدربه

ده أمانك من غدر الدنيا

والناس اللي ماليها الإحساس

فى قلوب الناس دول أغلى الناس

والحب الصادق والإخلاص

والعشرة دى أحلى ما فيك يا زمان

yoast