نجلاء طاحون تكتب :ماركت الم

قالوا بمزيد من الآسي
نعلن بداية الإنفتاح
علي كل روح زادها الوجع
واتسلسلت بيها الجراح
وساب علامة بحزنها
ماركة ألم من نوعها خاص
حمل وشيل آخر موديل
لحزن عال .. مش م الرخاص
إلحق يابيه يالا اشتري
أصل الفرح مالهوش مكان
هات منه ياما ويلا شيل
وزع علي كل الجيران
ياللي بعيد قرب هنا

عندي البضاعة تجيب هَوَس
ما تبص واتفرج يا بييه
عقلك هتاخده ويتلحَس
الأصل زيه ما تلاقيش
ده الخامة من وجع الأفيش
راح يحفر البصمة فى ذهنك
يفضل سنين جواك يعيش
Yoast