منوعات

حكاية حزن تكتبها هبه حسن

بعيش في الصبر
ادارى انا و روحي
ماانا المظلومه
وممنوعه اكون نفسي
عشان ارضي اللي كارهيني
واعيش افدي اللي ظالميني
واموت فيا
وانا ليا في حياتي نصيب
لكن مجبروة بالترهيب
اكون كربون بأفكارهم
ولا ليا اكون رافضه
ولا قادره ابوح الحلم واحكيلهم

ولا حقي أعارض جرحهم فيا
ومطلوب ابقي منسيه في أفراحهم
بخاف لو حقي اجرحهم
فانا متنازله عن حقي
ويفضل حق ع النوته
ما انا المكبوته أصغرهم
وعيب اضحك ولو ثانيه
وبترجي في ناس مني
لكن مجروحه اكمني
بلاقي في قربهم سكاكين
قلوب علي موتي متعاهدين
اشوف دمعي ليوم الدين
ولا اشكي

وشينه البنت لو تحكي ….. باحلامها
وعيب الحلو في كلامها
يخليها في مكان باير
وخلق تشوفها في الداير
حجر صوان
جماد والاسم كان انسان ….. ونفسه يعيش
لكن جواها مايكفيش ….. تعيش تفرح
يا صبر الصبر لو تسمح
اموت احسن
وقلبي في التراب يسكن
ما دام ممكن بموتي ارتاح
واسجل حلمي للافراح
سراب زايف
ومين عارف
طريق القبر يا اهل الله
انا بتأووي على جرحى وملامحي
وبقرا الفاتحه علي فرحي
وبردم بالتراب حواليه
ومين بأيديه
يغير حد من أهله
يحس بأنه يستاهله
يكون حضن الدف لما يقربله
ويسمح له يمس الجرح بمسامه فيطرح من حنانهم شوك

تحس بأنهم كرهوك
لا فاكرينك ولا نسيوك
كما المصلوب علي جرحك
تكون انت غريب الجرح يا ولداه
يكون حالك
يا دوب حقك في وقت الدفنه
تلقي الهم جه شالك
هنيالك
يا سايب دنيا أحوالها بتطرح موت
ومبروك لحدك الدافئ
ومبروك دفنتك وتموت
Yoast

زر الذهاب إلى الأعلى