دنيا جديدة قصيدة تكتبها : ولاء حجازى

وفارقت البيت اللي بحبه
علي بلدى اللي أنا معرفهاش
ودعت الماضي مع حيرته
علي دنيا جديدة لازم تتعاش

وبجد البيت راح يوحشنى
والشارع وجيران حوالينا
ما أهى رحلة عمرى وحياتى
ف البيت ده أجمل ليالينا

و يا عالم ايه زمانى مخبي
علي فين راح ترسي مراسينا
ونلف الكون وأهى دااااايرة
عمالة تدوور قوى بينا اااا

وأهى ذكرى محفورة ف قلبي
من كل مكان عاش فينا
أولهاااا مدينتى المطرية
وطفولتي وأنا لسة شقية
وصديقتى الغالية فريدة
كات أجمل صحبة ف عنيا

وتانيهااااااا المنزلة بلدى
وأصحابي فيها ومدرستى
ودروسي بقي و يا دراستى
أيام مين راح ينساهاااااا
لو مهما بعدنا وفارقنا
ف قلوبنا دايما فاكراها
دنيانا غريبة بطبيعتها
تايهين والدنيا متاهة
وآدى حال الأيام بينا
بنقابل ياما وبنفارق

مين فاضل لسة ويانا
ومين فينا للتانى مفارق
أيام بتشكل وجداناااا
والدنيا دى توهة ومفارق
نتعلم من كل ما فاتناااا
ويارب نكون شئ فارق
وآدى دنيا جديدة وبعيشها
و يا عالم مين تانى هفارق

ما ناقصنا وجوده ف حياتنا
من بدرى ودعنا وفارق
ما أهو أبويا ساكن هنا بيتنا
وإن غاب جوانا ما فارق
Yoast