محمد عبدالفتاح يكتب : ولا بعترف

ولا بعترف بالشاعر اللي يجيب معاني الارض ويقدمها زي الورد
ممسوح من ملامحه اللون

الشاعر بيجذب جد
لو بانت قوافي السرد
لو بان الكلام موزون
لغموض الحياه كشاف
بعنيه الغيوب تتشاف
ميزودش غيبها ظنون
بيلحن حكاوي الناس
ويخلي الحدث احداث
ويكبر حكاية طفل
بيعايروه بانه اتباس

الشعر النخيل للريح
في وشوش الالم رقاص
والشعر ابن شهم صريح
لو بان الفساد في الناس
ولا يمشي بهوا المفاضيح
و ان ساومو بدهب او ماس
ولا يمكن لنص صحيح
ميفتَّحش ١٠٠ ترباس
ويهز الضمير لفقير
اتهدت ايديه م الفاس
وتحرر نصوصه سجين
حاضن برائته سنين
ومشافهاش غير الحُرَّاس

الشعر الضمير الحي
لو مات الضمير في الناس
الشعر افتراض الجي
بامانه بوفا باخلاص
ومفيش للي شاعر زي
لو يكتب هموم الناس.

Yoast