الليل : اشعار ولاء حجازى

بييجي الليل وأنا لوحدي
وأنادي عليك ومش لاقياك
لا ذنب البعد كان ذنبي
ولا حاسة بقربي معاك

ب يسمعني وبشكيله
ف ضلمة وحدتي منك
يطمني وأناااااجيله
يخفف عني طول بعدك

وأبوح له بكل أسراري
تملى ظالمني ليه وياك
وبمسح دمعى ف نهاري
ما ياما أنا دقت مر جفاك

وأداري لهفتي وشوقي
وأبعد حتى لو بهواك
هكمل بردوا مشواري
وحيد قلبي وهو معاك

مفيش منك خلاص فايدة
يضيع أنا عمري ليه ف هواك
ولو ف البعد ناااار قايدة
ف راحة قلبي مش وياك

شارك المقال