اليوتيوبر إيفون نبيل: وانا صغيرة حبيت اتشطر في رمضان قمت صايمة من12بالليل لتاني يوم بعد المغرب.. و أغمى عليا وفوقوني في الكنيسة

هنأت اليوتيوبر إيفون نبيل اصدقائها والمتابعين لصفحتها ب”فيس بوك” بمناسبة شهر رمضان الكريم

فكتبت : كل سنه وانتو طيبين.. ها هتفطرو فين اول يوم رمضان؟
مره وانا صغيره صومت يوم في رمضان بس قولت اعلي عليكو  فصومت من ١٢ بليل لحد المدفع كان ٥.. وبعدها قولت لا هزود كمان شويه عشان ابقي اشطر فصومت لحد ٧ وربع باين … بس اخر حاجه فكراها ان اللي بيفوقوني وانا مغمي عليا في الكنيسه وبيقولولي مالك.. وقولتلهم اصلي صايمه رمضان ولسه مفطرتش”
وتبادل متابعيها مسلمين ومسيحين التهاني بقدوم شهر رمضان مؤكدين على جمال الأجواء الرمضانية في مصر والتي لا تفرق بين مسلم ومسيحي، وأن مصر في جميع مناسباتها مختلفة ومتميزة وجميلة.