الشاعر فتحى نجم يكتب : انا انسان

مااتحملوش
علي كتفي بالقوي
ل ينخ بالأوزان
ولا تزيدوش بالحمل
ضهري مِستوي
لَيُفرُط قبل الأوان
مع إنه طول عمره زاد
وميته قله للعطشان
بِبِان الصبر بعتولي
أبان جدع
رغم مُر الزمان
بَبَان صالب طولي
ولااتكلمش رغم الوجع
أعمِل سعيد فرحان
شقق جدار الروح
واتهدت حروفه
واتفلق
نامت عيون القلب
قبل الروح واتغلق
رمم زوايا القلب
اللي اتخنق
خرج كل كَسرة نِفس
قبل الحروف ماتتشنق
ولّد أمل
واسحب كل القلق
وازرع طاقات م النور
في جتتي اللي صابها البور
أنا المقهور
من قبل حتي مااتخلق
إزرعني من جديد
خلي الشقشه تنبت
قصايد من جريد
مع كوز م البلح
وشمعة تقيد
تضلل علي العيدان
وِتحي الوريد
ف ترمي خيوط الأمل
ع الندي البدري
تلم اللي متبقي من وجعي
وتطرح عيد
أنا دم ولحم مش حديد
ولقمتي علي قد الإيد
أنا صورتي قديمة مش ألوان
أنا إنسان