ليلة القدر :اشعار ولاء حجازى

ونستنى في ليلة القدر

دى أجمل ليلة فيك رمضان

وتدعي قلوبنا لحد الفجر

يارب الرحمة والغفران

ليالي الشهر معدودة

واهو بيجري وعدى قوام

وآدى خطاوينا محدودة

وبتمر بسرعة ليه الأيام

يارب اشملنا واقبلنا

برحمة فضلك المنان

وامحي خطاوى أيامنا

وداوى قلوبنا م الأحزان

وحقق لينا أحلامنا

وأقبل مننا رمضان

ياربي ضعيف وناديتك

وجاي بقلبي أزور بيتك

وناجيتك بدمع العين

ما تحرمنيش دخول بيتك

ومش هيأس ف يوم ابدا

ولا أندم انى ناجيتك

يارب ضعيف انا عبدك

انا صنعك وبين ايدك

واتمنى تكون راضي

وسامح انى عاصيتك

أنا عبدك ماليش غيرك.

yoast